'ബലം'
(രാജീവ് നായര്‍ , എം.ടി എച്ച്. എസ്, കനകപ്പലം.)
ബലമാണ്‌ ചലനത്തിന്നുടയോന്‍
ജഡമായിരിക്കുന്നോന്‍ ചലിക്കേണമെങ്കില്‍
ഉടയോനാം ബലമൊന്നു വേണം!
ചലിച്ചാലോ ദിശയൊന്നു മാറ്റാന്‍
അതിനായും ബലം തന്നെ വേണം !
ഉരുണ്ടാലും പിരണ്ടാലും വഴിയൊന്നു മാറാനായ്‌
ബലവാനാം ബലം തന്നെ വേണം!
ഓട്ടത്തിന്നായം കുറയ്ക്കാന്‍
എതിരേ വരേണം ബലമപ്പോള്‍
ഓട്ടം കുട്ടാനാണെന്നലോ
പിറകേ വരേണം ബലമപ്പോള്‍ !
ചലനം നിര്‍ത്തീടാമിവനുണ്ടേല്‍
മതിയായിട്ടവനെതിരെ വന്നാല്‍
ചലിക്കാത്തോന്‍ ചലിക്കാനും
അനങ്ങുന്നോന്‍ നില്‍ക്കാനും
ബലവാന്‍ ബലം തന്നെ വേണം!
ഉള്ളില്‍ ബലമുണ്ടായിട്ടെന്താ-
കാര്യം! കാര്യം നടക്കേണമെങ്കില്‍
വെളിയില്‍ നിന്നാണെങ്കിലല്ലേ
ബലമൊന്നു ബലവാനായിടു!
കേമന്‍! ആ ന്യുട്ടന്‍ പറഞ്ഞു!
പുറമേനിന്നുള്ളോരു സമമല്ലാബലമില്ലേല്‍
അനങ്ങാത്തോന്‍ അനങ്ങാതേം
ചലിക്കുന്നോന്‍ നേരേയും
തുടര്‍ന്നീടും അന്ത്യം വരേയ്ക്കും!
ഒരുകാര്യം ശ്രദ്ധിക്കു കുഞ്ഞേ!
അമ്പമ്പട! ഞാനെന്നൊരു ഭാവം
കൊണ്ടാല്‍ അബലന്മാരായീടും നമ്മള്‍ !
പുറമേ നിന്നെത്തീടും അറിവുണ്ടേലെന്നാല്‍
ഗുരുവില്‍നിന്നറിഞ്ഞിടുക വേഗം!
ആ 'ബലയും അതിബലയും' അതിവേഗം !
No comments:
Post a Comment